سوال: السلام علیکم مفتی صاحب حدیث شریف میں روزے کے کیا فضائل آئے ہیں؟براہ کرم اس سے مطلع فرمائیں۔

جواب: حدیث شریف میں روزہ رکھنے کے بہت سے فضائل وارد ہوئے ہیں، ان میں سے چند یہ ہیں۔
(1) نبی کریم صلی اللہ علیہ وسلم نے فرمایا جو شخص رمضان کا روزہ ایمان اور احتساب ( حصول اجر و ثواب کی نیت ) کے ساتھ رکھے، اس کے گزشتہ تمام گناہ معاف کر دئیے جاتے ہیں۔
(بخاری، حدیث نمبر: 2014)
(2) حضرت ابوعبیدہؓ بیان کرتے ہیں: روزہ ڈھال ہے جب تک روزہ دار اس کو پھاڑ نہ دے۔
(نسائی، حدیث نمبر: 2237)
(3) رسول اللہ صلی اللہ علیہ وسلم نے فرمایا: انسان کی ہر نیکی دس گنا سے سات سو گنا تک بڑھا دی جاتی ہے، اللہ تعالیٰ فرماتا ہے: سوائے روزے کے اس لیے کہ وہ میرے لیے خاص ہے، اور میں ہی اس کا بدلہ دوں گا..
(ابن ماجہ، حدیث نمبر: 1638)