سوال:
السلام علیکم، مفتی صاحب! اگر روزے دار کے دانت سے خون نکلے، تو اس سے روزہ باقی رہے گا یا ٹوٹ جائے گا؟
جواب: روزے کے دوران اگر دانت سے خون نکلا اور تھوک کے ساتھ مل کر حلق کے اندر چلا گیا، تو دیکھا جائے گا کہ خون زیادہ ہے یا تھوک، اگر خون کی مقدار تھوک سے زیادہ یا برابر ہو، تو روزہ فاسد ہو جائے گا، اس صورت میں روزہ کی قضا ضروری ہے، اور اگر تھوک زیادہ ہو، تو روزہ فاسد نہیں ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیة: (203/1، ط: رشیدیة)
الدم إذا خرج من الأسنان ودخل حلقہ إن کانت الغلبۃ للبزاق لا یضر، وإن کانت الغلبۃ للدم یفسد صومہ ، وإن کان سواء أفسد أیضاً استحساناً ۔
واللہ تعالٰی اعلم بالصواب
دارالافتاء الاخلاص،کراچی