سوال: السلام علیکم، مفتی صاحب! اگر کوئی شخص رمضان المبارک کے مہینے میں بے ہوش ہو جائے، تو اس کے روزے کے بارے میں شرعاً کیا حکم ہے؟

جواب: اگر کوئی شخص رمضان کے مہینے میں کسی دن بے ہوش ہوگیا، تو جتنے دن بے ہوش رہا، اتنے دنوں کے روزے قضا کرے، البتہ جس دن بے ہوش ہوا تھا، اس ایک دن کی قضا واجب نہیں ہے، کیونکہ اس دن کا روزہ نیت کی وجہ سے درست ہوگیا، اگر اس دن کا روزہ ہی نہیں رکھا تھا، تو اس دن کی قضا بھی واجب ہے۔