سوال: ایک دفعہ میں آفس سے گھر آیا، تو کافی غصہ میں تھا، تھوڑی دیر بعد ہم کھانا کھانے بیٹھ گئے، کسی بات پر میر ی بیوی سے لڑائی شروع ہوگئی، اور کافی بحث کے بعد میں نے غصے میں کہہ دیا تھا کہ "حضور پاک کی قسم! میں آئندہ گوشت نہیں کھاؤں گا"، پھر گھر والوں نے کافی منایا، تو میں نے گوشت کھا لیا، تو کیا میرے ذمہ قسم کا کفارہ واجب ہے؟

جواب: اللہ تعالیٰ کے علاوہ کسی اور کی قسم کھانا جائز نہیں ہے، اور نہ ہی ایسی قسم کھانے سے قسم منعقد ہوتی ہے، لہذا اس جیسی قسم توڑنے سے کفارہ واجب نہیں ہوگا، البتہ غیر اللہ کی قسم کھانے سے توبہ کرنا لازم ہے۔