سوال:
مفتی صاحب! ایک شخص نے اپنی بیوی کو تین طلاقیں دینے کے بعد بھی اپنے ساتھ رکھا ہوا ہے، سمجھانے کے باوجود نہیں سمجھ رہا ہے، ہمارے لیے ایسے شخص سے متعلق کیا حکم ہے؟ رہنمائی فرمادیں۔
جواب: صورت مسئولہ میں آپ کا بیان اگر حقیقت کے موافق ہے، حقیقی صورت حال سمجھنے اور بیان کرنے میں آپ سے کوئی کمی واقع نہیں ہوئی ہے اور اس آدمی نے اپنی بیوی کو ایک ساتھ یا متفرق مجالس میں تین طلاقیں دی ہیں تو اس شخص کے ساتھ رشتہ داری کے تعلقات ختم کرنے میں تفصیل یہ ہے کہ: اگر اس آدمی کو راہ راست پر لانا قطع تعلق کئے بغیر آپ کے اور آپ کے خاندان والوں کے اختیار میں نہ ہو اور اس کی بیوی کو سمجھانا بھی آپ کے لیے ناممکن ہو تو ایسی صورت حال میں اس آدمی کو اپنی غلطی کا احساس دلانے کے لیے اس کے ساتھ قطع تعلق کرنا اس وقت تک جائز ہے جب تک کہ وہ شخص اپنے اس گناہ سے باز نہ آجائے، تاکہ دوسرےلوگوں کو بھی اس سے عبرت حاصل ہو جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (المائدة، الایة: 2)
وَتَعَاوَنُوْا عَلٰی الْبِرِّ وَالتَّقْوَی وَلَا تَعَاوَنُوْا عَلٰی الْاِثْمِ وَالْعُدْوَان....الخ
و قوله تعالی: (ھود، الایة: 113)
وَلَا تَرْکَنُوْا اِلَی الَّذِیْنَ ظَلَمُوْا فَتَمَسَّکُمُ النَّارُ....الخ
صحیح البخاری: (باب غزوۃ تبوک وھی غروۃ العسرة)
ونھی رسول اﷲﷺ المسلمین عن کلامنا ایھا الثلاثۃ من بین من تخلف عنہ فاجتنبنا الناس وتغیر والنا حتی تنکوت فی نفسی الا رض فما ھی التی اعرف فلبثنا علی ذلک خمسین لیلۃً
روح المعانی: (البقرۃ، الایة: 230، 212/2، ط: زکریا)
فإن طلقہا بعد الثنتین، فلا تحل لہ من بعد أي من بعد ذالک التطلیق حتی تنکح زوجًا غیرہ أي تتزوج زوجًا غیرہ ویجامعہا۔
فتاوی رحیمیه: (270/8)
واللہ تعالی اعلم بالصواب
دارالافتاء الاخلاص،کراچی