سوال: السلام علیکم، مفتی صاحب ! سعودی عرب میں کل سے مسجد میں نماز شروع ہو گئی ہے، مگر یہاں دو نمازیوں کے درمیان دو میٹر کا فاصلہ رکھا جا ریا ہے، تو کیا ایسا کرنا صحیح ہے؟

جواب: واضح رہے کہ مقتدیوں کو جماعت کی نماز میں صف بناتے ہوئے، اس طرح مل کر اور قریب قریب کھڑا ہونا چاہیے کہ درمیان میں اتنی جگہ خالی نہ رہے، جس میں تیسرا آدمی آسکتا ہو،
لیکن صفوں کا متصل رکھنا اور مل مل کر کھڑا ہونا سنت ہے۔
اور نماز کے فاسد ہونے سے اس کا کوئی تعلق نہیں ہے، زیادہ سے زیادہ ایسا کرنا خلافِ سنت ہونے کی وجہ سے مکروہ ہے، لیکن اگر کسی مجبوری کی وجہ سے صفوں کے اتصال کا خیال نہ رکھا جائے تو خلاف سنت کا گناہ بھی نہیں ہوگا۔
علامہ نووی رحمہ اللہ نے لکھا ہے:
صفوں کی درستگی اور ملا ہونا (یعنی آپس میں خوب مل مل کر کھڑے ہونا) مستحب ہے اور اس پر اجماع ہے۔
اور علامہ ابن بطال بخاری شریف کی شرح میں لکھتے ہیں :
أَبو هُرَيْرَةَ، قَالَ عليه السلام: (إِنَّمَا جُعِلَ الإمَامُ لِيُؤْتَمَّ بِهِ، فَلا تَخْتَلِفُوا عَلَيْهِ. . . .) ، الحديث
(وَأَقِيمُوا الصَّفَّ فِي الصَّلاةِ، فَإِنَّ إِقَامَةَ الصَّفِّ مِنْ حُسْنِ الصَّلاةِ) 
وفيه: أَنَسِ، قَالَ النَّبِيِّ، عليه السلام: (سَوُّوا صُفُوفَكُمْ، فَإِنَّ تَسْوِيَةَ الصُّفُوفِ مِنْ إِقَامَةِ الصَّلاةِ) . هذا الحديث يدل أن إقامة الصفوف سنة مندوب إليها، وليس بفرض؛ لأنه لو كان فرضًا لم يقل، عليه السلام، فإن إقامة الصفوف من حسن الصلاة؛ لأن حسن الشىء زيادة على تمامه، وذلك زيادة على الوجوب، ودل هذا على أن قوله فى حديث أنس: (فإن تسوية الصفوف من إقامة الصلاة) ، أن إقامة الصلاة قد تقع على السنة كما تقع على الفريضة.
 فيه: أَنَسِ: أَنَّهُ قَدِمَ الْمَدِينَةَ فَقِيلَ لَهُ: مَا أَنْكَرْتَ مُنْذُ يَوْمِ عَهِدْتَ رَسُولَ اللہ ؟ فقَالَ: (مَا أَنْكَرْتُ شَيْئًا إِلا أَنَّكُمْ لا تُقِيمُونَ الصُّفُوفَ) . لما كان تسوية الصف من السنة المندوب إليها التى يستحق فاعلها المدح عليها، دل ذلك أن تاركها يستحق الذم والعتب كما قال أنس، رحمة الله عليه، غير أن من لم يقم الصفوف لا إعادة عليه؛ ألا ترى أن أنسًا لم يأمرهم بإعادة الصلاة.
(شرح صحيح البخارى لابن بطال، ج: 2، ص: 346، مكتبة الرشد سعودية)
ترجمہ:
حضرت انس کی یہ روایت کہ نبی کریم صلی اللہ علیہ وسلم نے فرمایا کہ ’’تم صفوں کو درست کیا کرو، کیونکہ صفوں کی درستی سے نماز قائم ہوتی ہے۔‘‘
یہ حدیث اس بات پر دلالت کرتی ہے کہ صفوں کا برابر رکھنا سنت ہے اور فرض نہیں ہے، اس لیے کہ اگر فرض ہوتا تو آپ صلی اللہ علیہ وسلم یہ نہ فرماتے کہ " صفوں کا برابر رکھنا نمازکے محاسن میں سے ہے" کیونکہ کسی شی کا حسن اس کے تام (مکمل) ہونے پر زیادتی کا نام ہے ، اور یہ وجوب پر زیادتی کا نام ہے
اور "حضرت انس بن مالک رضی اللہ عنہ سے جب (بصرہ سے) مدینہ آئے تو آپ سے پوچھا گیا کہ نبی کریم صلی اللہ علیہ وسلم کے عہد مبارک اور ہمارے اس دور میں آپ نے کیا فرق پایا؟
فرمایا: اور تو کوئی بات نہیں، صرف تم لوگ صفیں برابر نہیں کرتے۔"کیونکہ صف کی درستگی ان سنتوں میں سے ہے، جس پر عمل کرنے والا مدح کا مستحق ہوتا ہے تو اس کا ترک کرنے والا ذم اور عتاب کا مستحق ہوتا ہے جیسا کہ حضرت انس نے فرمایا، ہاں ( یہ یاد رہے کہ) صفوں کو پوری نہ کرنے والے پر نماز کا اعادہ نہیں، کیونکہ حضرت انس نے ان کو دوبارہ نماز پڑھنے کا حکم نہیں دیا۔
حافظ ابن حجر عسقلانی رحمہ اللّٰہ نے اس حدیث پر تفصیلا بحث کرنے کے بعد لکھا ہے: وَيُحْتَمَلُ أَنْ يَكُونَ الْبُخَارِيُّ أَخَذَ الْوُجُوبَ مِنْ صِيغَةِ الْأَمْرِ فِي قَوْلِهِ سَوُّوا صُفُوفَكُمْ وَمِنْ عُمُومِ قَوْلِهِ صَلُّوا كَمَا رَأَيْتُمُونِي أُصَلِّي وَمِنْ وُرُودِ الْوَعِيدِ عَلَى تَرْكِهِ فَرَجَحَ عِنْدَهُ بِهَذِهِ الْقَرَائِنِ أَنَّ إِنْكَارَ أَنَسٍ إِنَّمَا وَقَعَ عَلَى تَرْكِ الْوَاجِبِ وَإِنْ كَانَ الْإِنْكَارُ قَدْ يَقَعُ عَلَى تَرْكِ السُّنَنِ وَمَعَ الْقَوْلِ بِأَنَّ التَّسْوِيَةَ وَاجِبَةٌ فَصَلَاةُ مَنْ خَالَفَ وَلَمْ يُسَوِّ صَحِيحَةٌ لِاخْتِلَافِ الْجِهَتَيْنِ وَيُؤَيِّدُ ذَلِكَ أَنَّ أَنَسًا مَعَ إِنْكَارِهِ عَلَيْهِمْ لَمْ يَأْمُرْهُمْ بِإِعَادَةِ الصَّلَاةِ
(فتح الباري شرح صحيح البخاري لابن حجر العسقلاني، ج:2،ص: 210 ،ط: ط: دار المعرفة)
ترجمہ:
ابن بطال رحمہ اللہ کے قول کے مطابق صفوں کی درستگی کو سنت قرار دیا جائے، یا امام بخاری کے قول کے مطابق واجب قرار دیا جائے، دونوں جہات سے صفوں کی درستگی کی رعایت نہ کرنے والے کی نماز بہرحال صحیح ہے اور ادا ہوجائے گی۔
اس کی تائید اس بات سے بھی ہوتی ہے کہ حضرت انس رضی اللّٰہ عنہ نے صفوں کو برابر نہ رکھنے والوں پر نکیر (ڈانٹ) کے باوجود، انہیں نماز کو لوٹانے کا حکم نہیں دیا۔
علامہ عینی رحمہ اللہ نے تفصیلا کلام کرنے کے بعد لکھا ہے:
بل الصَّوَاب أَن يَقُول:فلتكن التَّسْوِيَة وَاجِبَة بِمُقْتَضى الْأَمر، وَلكنهَا لَيست من وَاجِبَات الصَّلَاة بِحَيْثُ أَنه إِذا تَركهَا فَسدتْ صلَاته أَو نقصتها. غَايَة مَا فِي الْبَاب إِذا تَركهَا يَأْثَم.(عمدة القاري، ج: 5 ، ص: 254، ط:  دار إحياء التراث العربي )
ترجمہ:
اگر صفوں کی برابری اگرچہ صیغہ کے امر کی وجہ سے واجب ہے، لیکن یہ واجبات نماز میں سے نہیں ہے کہ اگر اس کو چھوڑ دیا تو نماز ناقص یا فاسد ہوجائے، زیادہ سے زیادہ صفوں کو برابر نہ رکھنے پر گناہ ہوگا۔
ان تمام روایات سے پتہ چلا کہ عذر کی وجہ سے صفوں کااتصال نہ رکھنے میں گناہ نہیں ہوگا اور بلاعذر ایسا کرنے میں گناہ ہوگا۔