سوال: مفتی صاحب! اگر میاں بیوی دونوں پر قربانی واجب ہو اور ان میں سے ایک قربانی کا فریضہ انجام دے اور دوسرا قربانی نہ کرے تو کیا قربانی نہ کرنے والا گناہ گار ہوگا؟

جواب: قربانی ایک عبادت ہے، جو ہر مسلمان، عاقل، بالغ اور صاحبِ نصاب مرد و عورت پر واجب ہے، اس لیے اگر میاں بیوی دونوں پر قربانی واجب ہو تو کسی ایک کے قربانی کرنے سے وہ قربانی دوسرے کی طرف سے ادا نہیں ہوگی، لہذا جس نے قربانی واجب ہونے کے باوجود نہیں کی تو اسے واجب چھوڑنے کا گناہ ہوگا۔