سوال:
میں ہر فرض نماز کے بعد سو سو مرتبہ درود شریف پڑھتی ہوں، پوچھنا یہ ہے کہ درود شریف کتنا پڑھنا چاہیے؟
جواب: صحت، طاقت اور فرصت کے مطابق جتنی توفیق ہو، درود شریف پڑھ لینا چاہیے، حدیث شریف میں منقول ہے کہ جو شخص حضور صلی اللہ علیہ وآلہ وسلم پر ایک مرتبہ درود بھیجتا ہے، اللہ تعالیٰ اس پر دس رحمتیں نازل فرماتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
حلیۃ الاولیاء و طبقات الاصفیاء: (347/4، ط: دار الکتاب العربی)
عن أنس، قال: قال رسول الله صلى الله عليه وسلم: «من ذكرت عنده فليصل علي؛ فإنه من صلى علي مرة صلى الله عليه عشرا»
واللہ تعالٰی اعلم بالصواب
دارالافتاء الاخلاص،کراچی