سوال: مفتی صاحب ! کچھ لوگ ایسا درود پڑھتے ہیں، جس پہ شک ہوتا ہے کہ یہ بدعتی کے پاس سے آیا ہے، درود کیا کوئی بھی اپنی مرضی سے بنا سکتا ہے ؟ یا صحابہ رضی اللہ عنہ اجمعین سے ہی صرف ثابت ہوتا ہے؟
کیا کوئی اس سلسلے میں مستقل کتاب ہے، جس میں سارے درود ہوں؟

جواب: درود شریف تین قسم پر ہیں: 1_وہ درودشریف جو حضور اکرم صلی اللہ علیہ وسلم سے صحیح سند سے ثابت ہیں۔
اور ایسے درود شریف افضل اور بہترہیں۔
2_وہ درودشریف جواحادیث مبارکہ سے ثابت نہیں ہیں اور ان میں کوئی ایسا لفظ نہیں ہے، جوشرعاً ممنوع ہو مثلاً:شرکیہ کلمات وغیرہ نہ ہوں تو ایسے درود شریف کا پڑھنا بلاشبہ جائز ہے۔
3_وہ درودشریف جن میں ایسے کلمات ہوں، جو شرعاً ممنوع ہوں تو ان کا پڑھنا جائز نہیں ہے۔
درود شریف کے مجموعے پر بہت سی کتب موجود ہیں، تاہم دَلائِلُ الخَيرَاتِ( مؤلف: شيخ محمد بن سليمان جزولى )اور زادالسعید ( مؤلف: مولانا اشرف علی تھانوی ) ان دوکتابوں کا مطالعہ اس موضوع پر زیادہ مفید ہے۔