سوال: مفتی صاحب ! نظر محمد کا انتقال ہو گیا ہے، ورثاء میں دو (2) بیویاں (بی بی ناز بخت اور بی بی مریم)، چار (4) بیٹے (عرفان، منظور، امام علی، اور ابوبکر) اور دو (2) بیٹیاں (بی بی جمیلہ، بی بی روبینہ) ہیں، ابھی میراث تقسیم نہیں ہوئی تھی کہ ایک بیٹے ابوبکر کا بھی انتقال ہو گیا ہے، ابوبکر کے ورثاء میں والدہ (بی بی مریم)، 3 بھائی (عرفان، منظور اور امام علی) اور 2 بہنیں (بی بی جمیلہ، بی بی روبینہ) ہیں، ان میں وراثت کیسے تقسیم ہوگی؟

جواب: مرحومین کی تجہیز و تکفین، قرض کی ادائیگی اور اگر کسی کے لیے جائز وصیت کی ہو، تو ایک تہائی (1/3) میں وصیت نافذ کرنے کے بعد کل جائیداد ایک ہزار نو سو بیس (1920) حصوں میں تقسیم کی جائے گی، جس میں سے بی بی ناز بخت کو ایک سو بیس (120)، بی بی مریم کو ایک سو چہتر (176)، عرفان کو چار سو چھ (406)، منظور کو چار سو چھ (406)، امام علی کو چار سو چھ (406)، بی بی جمیلہ کو دو سو تین (203) اور بی بی روبینہ کو دو سو تین (203) حصے ملیں گے۔
اگر فیصد کے اعتبار سے تقسیم کریں:
بی بی ناز بخت کو % 6.25 فیصد
بی بی مریم کو %9.16 فیصد
عرفان کو % 21.14 فیصد
منظور کو % 21.14 فیصد
امام علی کو % 21.14 فیصد
بی بی جمیلہ کو % 10.57 فیصد
بی بی روبینہ کو % 10.57 فیصد ملے گا۔