سوال: مفتی صاحب ! کیا قربانی کا سارا گوشت قربانی کرنے والا رکھ سکتا ہے یا تین حصے کر کے بانٹنا ضروری ہے؟

جواب: قربانی کے گوشت میں بہتر طریقہ یہ ہے کہ تین حصوں میں تقسیم کرکے ایک حصہ اپنے گھر والوں کے لئے رکھ لے، دوسرا حصہ اپنے اقرباء اور رشتہ داروں میں تقسیم کردے، اور تیسرا حصہ فقراء اور محتاجوں کو دیدے، البتہ یہ تقسیم واجب اور ضروری نہیں ہے، اگر قربانی کرنے والے کے اہل وعیال زیادہ ہوں، اور گوشت کی اس کو خود ضرورت ہو، تو پورا گوشت گھر میں بھی استعمال کر سکتا ہے، اس میں کوئی گناہ نہیں ہے۔