سوال: مفتی صاحب ! اگر تین رکعت والی نماز میں غلطی سے دوسری رکعت میں سلام پھیردیا، تو اب کیا دوبارہ نماز پڑھنی ہوگی؟

جواب: اگر کسی نے تین رکعت والی نماز میں بھول کر قعدہ اولیٰ یعنی دوسری رکعت میں ایک طرف یا دونوں طرف سلام پھیردیا،اور نماز کے منافی کوئی عمل نہ کیا ہو، یعنی کسی سے کوئی بات چیت نہیں کی اور اپنے سینے کو قبلہ رخ سے بھی نہیں پھیرا تھا تو یاد آنے پر فوراً کھڑے ہوکر نماز مکمل کرلے اور آخر میں سجدہ سہو کرلے، اس صورت میں نماز درست ہو جائے گی، اور اگر نماز کے منافی کوئی عمل کر لیا تھا تو نماز دوبارہ دہرانی ہوگی۔