سوال:
مفتی صاحب! اگر کسی فلاحی تنظیم کو آن لائن (online) قربانی کی رقم دے دیں تو کیا قربانی کی ادائیگی ہوجائے گی؟ آن لائن قربانی میں فلاحی تنظیم سارا گوشت غریبوں میں تقسیم کردے گی اور فیملی اور رشتہ داروں کا کوئی حصہ نہیں ہوگا۔
جواب: واضح رہے کہ کسی فاؤنڈیشن والوں کو بطور وکالت پیسے دے کر قربانی کرنا درست ہے، پھر آپ کی اجازت سے اگر فاؤنڈیشن والے سارا گوشت غریبوں میں تقسیم کردیں تو یہ جائز ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الهندية: (294/5، ط: دار الفکر)
"ومنها أنه تجري فيها النيابة فيجوز للإنسان أن يضحي بنفسه أو بغيره بإذنه؛ لأنها قربة تتعلق بالمال فتجري فيها النيابة سواء كان المأذون مسلمًا أو كتابيًا."
واللہ تعالٰی اعلم بالصواب
دارالافتاء الاخلاص،کراچی