سوال:
مفتی صاحب! کیا عورت پر بھی قربانی واجب ہوتی ہے یا نہیں؟
جواب: عورت اگر عاقل، بالغ، مقیم، صاحب نصاب ہو یا اس کی ملکیت میں ضرورت سے زائد اتنی چیزیں ہوں کہ ان کی مالیت ساڑھے باون تولہ چاندی کی قیمت کے برابر ہو، تو ایسی عورت پر قربانی واجب ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار مع رد المحتار: (کتاب الأضحیۃ، 312/6، ط: سعید)
وشرائطہا الإسلام والإقامۃ والیسار الذی یتعلق بہ وجوب صدقۃ الفطر لا الذکور فتجب علی الأنثیٰ ۔
قولہ : (الیسار) بأن ملک مأتي درہم أو عرضا یساویہا غیر مسکنۃ .... یحتاجہ إلی أن یذبح الأضحیۃ ۔
واللہ تعالٰی اعلم بالصواب
دارالافتاء الاخلاص،کراچی