سوال: مفتی صاحب ! دو آدمیوں نے منڈی سے چالیس افراد کے لیے بکرے خریدے، ہر بکرے کے کان پر نمبر لگا دیے، اب ان چالیس بکروں کو ذبح کرنے کے لیے جب مذبح میں دیں گے تو ان چالیس آدمیوں کی جانب سے کس طرح نیت کی جائے گی، تاکہ ان چالیس آدمیوں میں سے ہر شخص کی قربانی درست ہو جائے؟

جواب: پوچھی گئی صورت میں ہر بکرے کو ایک متعین نمبر دے دیا جائے اور وہ نمبر قربانی کرنے والوں میں سے ہر ایک کے لیے مخصوص کر دیا جائے، ایسا کرنے سے ہر شخص کے لیے اس کا جانور متعین ہو جائے گا جو کہ قربانی کے لیے شرط ہے، اس طرح سب کی طرف سے قربانی درست ہوجائے گی۔