سوال: مفتی صاحب! اگر کوئی شخص دوسرے ملک میں رہتا ہو اور وہاں سے وہ پاکستان اپنے رشتے داروں کو قربانی کے پیسے بھیج کر پاکستان میں اپنی قربانی کرے تو کیا اس طرح قربانی کرنا درست ہے؟

جواب: جس شخص پر قربانی واجب ہے، اگر وہ اپنی قربانی کرنے کے لیے کسی کو دوسرے ملک میں وکیل بنائے تو ایسا کرنا جائز ہے، لیکن اس صورت میں قربانی کے درست ہونے کے لیے ضروری ہے کہ جس دن قربانی کی جائے، وہ دن دونوں ممالک میں قربانی کا مشترکہ دن ہو، ورنہ قربانی درست نہیں ہوگی۔