سوال: جہاز وغیرہ کے حادثہ میں انسانی جسم ٹکڑے ہو کر بکھرجائے یا جسم کا کچھ حصہ گُم ہوجائے تو غسل اور جنازہ کے اعتبار سے کیا حکم ہے؟

جواب: اگر جہاز وغیرہ کے حادثہ میں انسانی جسم ٹکڑے ٹکڑے ہوجائے یا جل جائے اور پورا جسم نہ ملے، بلکہ بعض حصے ملے، تو اس صورت میں شرعی قاعدہ یہ ہے کہ اگر جسم کا اکثر حصہ مل جائے یا آدھا حصہ سر کے ساتھ مل جائے تو غسل دے کر نماز جنازہ پڑھی جائے گی اور اگر جسم کا اکثر حصہ نہ ملے، بلکہ صرف بعض اجزا (سر، ہاتھ وغیرہ) ملے یا آدھا بغیر سر کے ملے تو اس صورت میں غسل اور کفن نہیں دیا جائے گا اور جنازہ کی نماز بھی نہیں پڑھی جائے گی، البتہ کسی پاک کپڑے میں لپیٹ کر دفن کردیا جائے گا۔