سوال: سوال یہ ہے کہ شادی کے بعد لڑکی کے والدین لڑکا اور لڑکی کو رہنے کے لیے مکان دیں، تو اس مکان میں رہنا کیسا ہے؟

جواب: صورتِ مسئولہ میں اگر والدین نے خوشی سے اپنی لڑکی کو مکان اور اس کا قبضہ دیا ہے، تو لڑکی اس مکان کی مالکہ ہے، لہذا اگر لڑکی رہنے کی اجازت دے، تو شوہر کے لیے اس مکان میں رہنا جائز ہے، اور اگر لڑکے نے مطالبہ کرکے مکان زبردستی لے کر اپنے نام کرایا ہے، تو اس مکان میں رہنا جائز نہیں ہے، بلکہ لڑکے پر واجب ہے کہ وہ لڑکی کے والدین کو مکان واپس کرے۔