سوال: سوال یہ ہے کہ میری والدہ کافی بوڑھی ہوچکی ہیں، اور وہ گھر کا سارا کام کاج نہیں کر پاتیں، میں اپنی بیوی سے کہتا ہوں کہ میری والدہ کے کام میں ہاتھ بٹایا کرو، تاکہ ان کی خدمت بھی ہوجائے، لیکن بیوی میری بات ماننے کو تیار نہیں ہے، تو کیا میں بیوی کو مجبور کرسکتا ہوں کہ وہ والدہ کے ساتھ کام میں ہاتھ بتائے اور خدمت کرے؟

جواب: شریعتِ مطہرہ میں شوہر اپنی بیوی کو والدین کی خدمت پر شرعی قانون کی رو سے مجبور نہیں کرسکتا ہے، تاہم اگر بیوی اپنی خوشی سے اخلاقاً شوہر کے والدین کی خدمت کرے، تو یہ بیوی کے لئے بڑی سعادت کی بات ہے، دنیا میں اس عورت کو مکافات عمل یعنی اس خدمت کا اچھا صلہ ملے گا اور آخرت میں بھی اس کو اجر ملے گا۔