عنوان: قربانی کے جانور کی آنکھوں اور کانوں کا بخوبی معائنہ(104973-No)

سوال: مفتی صاحب ! مندرجہ ذیل حدیث کی تصدیق فرمادیں؟ رسول اللہ صلی اللہ علیہ وآلہ وسلم نے ہم سے ارشاد فرمایا: ہم قربانی کے جانور کی آنکھوں اور کانوں کو خوب دیکھ لیں۔ (اور وہ جانور ذبح نہ کریں، جس کی آنکھ میں نقص ہو یا جس کا کان آگے یا پیچھے سے کٹا ہو یا جس کے کان میں سوراخ ہو) (ابن ماجہ: حدیث نمبر، 3143، راوی، حضرت علی رضی اللہ عنہ)

جواب: جی ہاں! مذکورہ بالا حدیث حضرت علی کرم اللہ وجہہ سے ابن ماجہ اور دیگر کتب حدیث (مشکوٰۃ، سنن نسائی، ترمذی) میں کم وبیش الفاظ کے ساتھ مروی ہے، مختلف احادیث کو اگر جمع کیا جائے تو حدیث شریف کا مکمل مفہوم درج ذیل ہے۔

حضرت علی رضی اللہ تعالی عنہ فرماتے ہیں کہ حضور اقدس صلی اللہ علیہ وسلم نے ہمیں یہ حکم دیا کہ قربانی کے جانور کے کان اور آنکھ کو اچھی طرح غور سے دیکھ لیا کریں اور ایسے جانور کی قربانی نہ کریں جس کے کان کا کنارہ سامنے سے کٹا ہوا ہو، اور نہ ایسے جانور کی جس کا کان اوپر کی طرف سے کٹا ہوا ہو، اور نہ ایسے جانور کی جس کا کان چرا ہوا ہو، اور نہ ایسے جانور کی جس کے کان میں سوراخ ہو، یعنی چھدا ہوا ہو۔ (بشرطیکہ یہ عیب ایک تہائی عضو تک پھیلا ہوا ہو، اگر ایک تہائی سے کم ہے تو اس کی قربانی جائز ہے)۔


۔۔۔۔۔۔۔۔۔۔۔۔۔۔۔۔
دلائل:


کما فی ابنِ ماجہ:

عن علي رضی اللہ عنہ قال: امرنا رسول الله صلى الله عليه وسلم: " ان نستشرف العين والاذن"

(سنن ابن ماجہ، ج:3 ص:539 باب مایکرہ ان یضحی بہ، ط بیروت)

وفی الترمذی:

عن علي بن ابي طالب , قال: امرنا رسول الله صلى الله عليه وسلم: "ان نستشرف العين، والاذن، وان لا نضحي بمقابلة، ولا مدابرة، ولا شرقاء، ولا خرقاء"۔

(سنن ترمذی، ج:1 ص:275 ط: سعید)

وفی المشکوٰۃ:

عن علی قال: امرنا رسول الله صلى الله عليه وسلم: "ان نستشرف العين، والاذن، وان لا نضحي بمقابلة، ولا مدابرة، ولا شرقاء، ولا خرقاء"۔ رواہ الترمذی وابو داؤد والنسائی والدارمی وابن ماجہ وانتھت روایتہ الی قولہ والاذن۔

(مشکوۃ المصابیح، باب فی الاضحیۃ، الفصل الثانی ص:128 ط: قدیمی)


واللہ تعالٰی اعلم بالصواب
دارالافتاء الاخلاص، کراچی

(مزید سوالات و جوابات کیلئے ملاحظہ فرمائیں)
http://AlikhlasOnline.com

قرآن و حدیث کی تفسیر تحقیقی میں مزید فتاوی

Find here answers of your daily concerns or questions about daily life according to Islam and Sharia. This category covers your asking about the category of Quran-o-Ahadees

06 Aug 2020
جمعرات 06 اگست - 15 ذو الحجة 1441

Copyright © AlIkhalsonline 2020. All right reserved.

Managed by: Hamariweb.com / Islamuna.com