سوال:
مفتی صاحب! اگر مسجد میں وضو کے لیے پانی نہ ہو، تو کیا معتکف کے لئے پانی لینے کے لیے باہر جانا یا اپنے گھر جانا جائز ہے یا نہیں؟
جواب: مسجد میں وضو کا پانی ختم ہوگیا، تو جہاں سے جلدی لا سکتا ہو، وہاں جا کر پانی لا سکتا ہے، اور اگر گھر جانا پڑے، تو گھر بھی جانا جائز ہے، خواہ وہیں وضو کر کے آجائے یا مسجد میں آکر وضو خانے پر بیٹھ کر وضو کر لے، درمیان میں کہیں بلا ضرورت نہ ٹھہرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
البحر الرائق: (301/2، ط: سعید)
ولایخرج منہ الا لحاجۃ شرعیۃ کالجمعۃ او طبیعیۃ کالبول والغائط ولا یمکث بعد فراغہ من الطہور لان ماثبت بالضرورۃ یتقدربقدرہا۔
واللہ تعالٰی اعلم بالصواب
دارالافتاء الاخلاص،کراچی