سوال:
کیا اعتکاف کے دوران معتکف غسل کے لئے مسجد سے نکل سکتا ہے؟ اور اگر سردی بہت زیادہ ہو، تو کیا معتکف کے لیے مسجد کے احاطے میں چولھے پر غسل کا پانی گرم کرنا جائز ہے یا نہیں؟
جواب: معتکف غسلِ جنابت کے لیے نکل سکتا ہے، غسلِ جنابت کے علاوہ دوسرے غسل کے لیے نہیں نکل سکتا، اگر سردی کے موسم میں پانی ٹھنڈا ہے، استعمال سے نقصان ہوتا ہے، گرم پانی کا انتظام کرنے والا کوئی نہیں ہے، تو معتکف خود مسجد کے احاطہ میں چولہا جلا کر یا جلے ہوئے چولہے میں پانی گرم کر کے غسل کر سکتا ہے، یہ شرعی ضرورت ہے، لہذا اعتکاف میں کوئی حرج نہیں ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار مع رد المحتار: (445/2، ط: سعید)
وحرم عليه ) أي على المعتكف اعتكافا واجبا أما النفل فله الخروج لأنه منه له لا مبطل كما مر ( الخروج إلا لحاجة الإنسان ) طبيعية كبول وغائط وغسل لو احتلم ولا يمكنه الاغتسال في المسجد كذا في النهر۔
قوله ( وغسل ) عده من الطبيعية تبعا للاختيار و النهر وغيرهما وهو موافق لما علمته من تفسيرها وعن هذا اعترض بعض الشراح تفسير الكنز لها بالبول والغائط بأن الأولى تفسيرها بالطهارة ومقدماتها ليدخل الاستنجاء والوضوء والغسل لمشاركتها لهما في الاحتياج وعدم الجواز في المسجد اھ فافهم۔
واللہ تعالٰی اعلم بالصواب
دارالافتاء الاخلاص،کراچی