سوال:
مفتی صاحب! اگر کوئی شخص مسجد میں اعتکاف کے لئے بیٹھے، اس دوران مسجد کی چھت گرنے لگے تو جان بچانے کی خاطر معتکف کا مسجد سے باہر نکلنا کیسا ہے اور باہر نکلنے کی صورت میں اس کے اعتکاف کا کیا حکم ہوگا؟
جواب: اگر مسجد گرنے لگے اور معتکف کے دب جانے کا خطرہ ہو تو معتکف پر جان بچانے کی غرض سے مسجد سے باہر نکلنا واجب ہے، معتکف کو مسجد سے نکل جانے کا گناہ نہیں ہوگا، البتہ اعتکاف فاسد ہوجائے گا اور ایک دن ایک رات کی قضا روزے کے ساتھ لازم ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (447/2- 448، ط: سعید)
وامّا ما لا یغلب کانجاء غریق وانھدام مسجد فمسقط للاثم لا للبطلان۔۔۔۔ وعلی ھذا اذا خرج لانقاذ غریق او حریق او جھاد عم نفیرہ فسد ولا یاثم، وکذا اذا انھدم المسجد ونص علیہ فی الخانیۃ وغیرھا۔۔۔۔
واللہ تعالٰی اعلم بالصواب
دارالافتاء الاخلاص،کراچی