سوال:
مفتی صاحب! اگر کوئی شخص اعتکاف میں بیٹھے، تو اس کے لیے زیادہ تر خاموش رہنا بہتر ہے یا نہیں؟
جواب: اعتکاف کے دوران بالکل چپ بیٹھنا بھی مکروہ تحریمی ہے، ہاں بری باتیں زبان سے نہ نکالے، جھوٹ نہ بولے، غیبت نہ کرے، بلکہ قرآن شریف کی تلاوت یا کسی دینی علوم کے پڑھنے پڑھانے یا کسی اور عبادت میں اپنے اوقات کو صرف کرے، خلاصہ یہ کہ چپ بیٹھنا کوئی عبادت نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مراقی الفلاح: (کتاب الصوم، ص: 180)
(وکرہ الصمت إن اعتقدہ قربۃ) والتکلم الا بخیر لانہ منہی عنہ؛ لأنہ صوم أہل الکتاب وقد نسخ۔۔۔۔۔
واللہ تعالٰی اعلم بالصواب
دارالافتاء الاخلاص،کراچی