سوال:
اگر کسی شخص کو بیڑی یا سگریٹ پینے کی اس قدر عادت ہو کہ وہ اس کے بغیر نہ رہ سکے، اور وہ مسجد میں رمضان المبارک کے آخری عشرے کے اعتکاف کے لئے بیٹھ جائے، تو وہ سگریٹ پینے کے لئے مسجد سے باہر نکل سکتا ہے یا نہیں؟
جواب: واضح رہے کہ مسجد میں سگریٹ یا بیڑی پینا درست نہیں ہے، لہذا اگر معتکف بیڑی یا سگریٹ پینے کا عادی ہے تو جس وقت استنجا اور وضو کے لئے نکلے، اس وقت بیڑی سگریٹ کی حاجت پوری کرے، خاص بیڑی سگریٹ پینے کے لئے نہ نکلے، ورنہ اعتکاف فاسد ہوجائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (کتاب الصوم، 446/2، ط: سعید)
ولو خرج لوجہ مباح کحاجۃ الانسان او الجمعۃ وعاد مریضا او صلی علی جنازۃ من غیر ان یخرج لذالک قصدا وذالک جائز وبہ علم انہ بعد الخروج بوجہ مباح انما یضر المکث لو فی غیر مسجد لغیر عیادۃ۔۔۔۔
واللہ تعالٰی اعلم بالصواب
دارالافتاء الاخلاص،کراچی