سوال:
مفتی صاحب ! پریشانی کے عالم میں مجھے بہت گھبراہٹ ہوتی ہے، براہ کرم گھبراہٹ دور کرنے کے لیے کوئی وظیفہ بتادیں۔
جواب: گھبراہٹ دور کرنے کے لیے مندرجہ ذیل اعمال کا اہتمام فرمائیں:
(1) کثرت سے" لا حول ولا قوۃ الا باللہ" پڑھیں۔
حدیث شریف میں آتا ہے کہ جو شخص لا حول ولا قوۃ الا باللہ پڑھے گا تو یہ اس کے لیے 99 بیماریوں کی دوا ہے، جس میں سب سے چھوٹی غم و رنج ہے۔
(2) کثرت سے درود شریف پڑھا کریں۔
(3) الَّذِینَ آمَنُوا وَتَطْمَئِنُّ قُلُوبُہُمْ بِذِکْرِ اللَّہِ، أَلَا بِذِکْرِ اللَّہِ تَطْمَئِنُّ الْقُلُوبُ“
یہ آیت کریمہ 41 مرتبہ پڑھ کر پانی پر دم کرکے پی لیں، ان شاء اللہ گھبراہٹ دور ہو جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
المستدرک للحاکم: (رقم الحدیث: 1990، 727/1، ط: دار الکتب العلمیة)
عن أبي هريرة رضي الله عنه، عن رسول الله صلى الله عليه وسلم، قال: «من قال لا حول ولا قوة إلا بالله، كان دواء من تسعة وتسعين داء أيسرها الهم» هذا حديث صحيح۔
واللہ تعالٰی اعلم بالصواب
دارالافتاء الاخلاص،کراچی