سوال: میں نے سنا ہے کہ جو شخص جمعہ کے دن فوت ہوگا، اللہ تعالی اس کی عذاب قبر سے حفاظت فرما دیں گے، کیا یہ بات صحیح ہے؟

جواب: ترمذی شریف کی روایت میں جمعہ کے دن اور شب جمعہ میں مرنے والوں کے لیے عذاب قبر سے محفوظ رہنے کا ذکر ہے، اس کی سند میں اگرچہ انقطاع ہے، لیکن اس کے دیگر طرق بھی ہیں، جن میں اتصال پایا جاتا ہے، جن کو حافظ ابن حجر وغیرہ نے ذکر کیا ہے اور حضرت انسؓ کی روایت بھی اس کی شاہد ہے، لہذا مذکورہ حدیث صحیح اور قابلِ استدلال ہے۔