سوال: السلام علیکم، مفتی صاحب! میت کی قبر بنانے کے لئے جو اخراجات ہوتے ہیں، وہ اخراجات کس کے ذمہ لازم ہیں؟ میت کے اپنے مال میں سے اس کے اخراجات نکالے جائیں گے یا ورثاء اپنے مال سے کریں گے؟

جواب: واضح رہے کہ قبر کے تمام اخراجات میت کے ترکے میں سے ادا کئے جائیں گے، البتہ اگر کوئی وارث اپنی خوشی سے یہ اخراجات اپنے مال سے کر لے، تو یہ بھی جائز ہے۔
بیوی کے انتقال کی صورت میں شوہر کے ذمہ اس کے تجھیز و تکفین کے اخراجات ہیں، لہذا بیوی کی قبر کے اخراجات شوہر پر لازم ہونگے، اگر شوہر موجود نہ ہو، یا یہ اخراجات اٹھانے سے انکار کر دے، تو اس صورت میں بیوی کے مال سے ہی اس کے تمام اخراجات پورے کیے جائیں گے۔