سوال:
السلام علیکم، مفتی صاحب! اگر کوئی شخص اپنی پوری زندگی حرام مال کھاتا رہے، اور کبیرہ گناہوں زنا کاری وغیرہ میں ملوث رہے، تو مرنے کے بعد اس کی نماز جنازہ پڑھی جائے گی یا نہیں؟
جواب: واضح رہے کہ حرام خوری اور زنا وغیرہ کا ارتکاب کرنا بڑا سنگین جرم ہے، لیکن چونکہ وہ مسلمان تھا، اس لیے مرنے کے بعد اس کی نماز جنازہ پڑھنا ضروری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکوٰۃ المصابیح: (باب الإمامة، 100/1)
وعن ابی ہریرۃ قال قال رسول اللہﷺ الجہاد واجب علیکم مع کل امیر برا کان او فاجرا وان عمل الکبائر والصلاۃ واجبۃ علیکم خلف کل مسلم برا کان او فاجرا وان عمل الکبائر… رواہ ابوداؤد۔
الدر المختار: (210/2)
( وهي فرض على كل مسلم مات خلا ) أربعة ( بغاة وقطاع طريق ) فلا يغسلوا ولا يصلى عليهم ( إذا قتلوا في الحرب ) ولو بعده صلي عليهم لأنه حد أو قصاص۔الخ۔
واللہ تعالٰی اعلم بالصواب
دارالافتاء الاخلاص،کراچی