سوال:
مفتی صاحب ! زید کی دو بیویاں ہیں، تمام بچے پہلی بیوی سے ہیں اور دوسری بیوی سے کوئی اولاد نہیں ہے۔
زید کو اپنی بیٹی کا نکاح کرنا ہے، کیا زید کا داماد زید کی دوسری بیوی کے لئے محرم ہوگا یا اسے اس کے ساتھ حجاب کرنا پڑے گا؟
جواب: واضح رہے کہ داماد کا سوتیلی ساس( بیوی کی سوتیلی ماں) سے شرعا پردہ ہوگا، کیونکہ بیوی کی سوتیلی ماں محرم نہیں ہے، اور بیوی کے انتقال کے بعد بیوی کی سوتیلی ماں سے اس کا نکاح بھی ہوسکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیة: (القسم الرابع، المحرمات بالجمع، 277/1)
وکذا یجوز بین امرأۃ وبنت زوجہا فإن المرأۃ لو فرضت ذکرا حلت لہ تلک البنت بخلاف العکس ۔
مجمع الأنھر: (کتاب النکاح، باب المحرمات، 480/1)
بخلاف الجمع بین امرأۃ وبنت زوجہا فإنہ یجوز لأنہ لو فرضت المرأۃ ذکراً جاز لہ أن یتزوج بنت الزوج لأنہا بنت رجل أجنبی ۔
واللہ تعالٰی اعلم بالصواب
دارالافتاء الاخلاص،کراچی