سوال: مفتی صاحب! جنازہ لے جاتے وقت لوگوں کو جنازے کے آگے چلنا چاہیے یا پیچھے چلنا چاہیے؟ شریعت کا اس بارے میں کیا حکم ہے؟

جواب: میت کو قبرستان لے جاتے وقت لوگوں کو جنازے کے پیچھے چلنا چاہیے۔
حدیث شریف میں آتا ہے:
حضرت براء بن عازب رضی اللہ عنہ فرماتے ہیں کہ رسول اللہ صلی اللہ علیہ وسلم نے ہمیں جنازہ کے پیچھے چلنے کا حکم دیا ہے۔
مزید اس میں عبرت کے ساتھ ساتھ میت کی تعظیم بھی ہے، اور اگر کچھ لوگ جنازے کو کندھا دینے کے لیے میت کے آگے چلیں، تو یہ بھی جائز ہے، لیکن تمام لوگوں کا میت کے آگے چلنا، اور جنازے کو پیچھے چھوڑ دینا مکروہ ہے۔