سوال: مفتی صاحب ! اگر ہم نے کسی سے قرضہ لیا ہو، اور اس کا انتقال ہو جائے تو اس کے انتقال کے بعد اس رقم کو اس کی طرف سے خیرات کردیں یا ان کے وارثوں کو دیں؟

جواب: جو رقم آپ نے میت سے ان کی زندگی میں قرض کے طور پر لی تھی، اس کی ادائیگی آپ پر واجب ہے۔
قرض خواہ کے مرنے کے بعد، اب وہ رقم چونکہ ترکہ میں شامل ہوکر ورثاء کا حق ہے، لہذا آپ وہ رقم میت کی طرف سے صدقہ نہیں کرسکتے، بلکہ وہ رقم میت کے ورثاء کو واپس کرنا ضروری ہے۔