سوال:
کیا فرماتے ہیں علمائے کرام اس مسئلے کے بارے میں کہ ایسی چادر جس پر کلمے یا قرآنی آیات وغیرہ لکھی ہوں، میت کی چارپائی پر ڈالنا کیسا ہے؟
جواب: واضح رہے کہ قرآنی آیات اور کلمے لکھی ہوئی چادر کو میت کی چارپائی پر ڈالنا درست نہیں ہے، کیونکہ یہ قرآنی آیات اور کلمے کے احترام کے خلاف ہے، اور چارپائی پر ایسی چادر ڈالنے کی صورت میں بے ادبی کا قوی اندیشہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (مطلب فیما یکتب علی کفن المیت، 246/2- 247)
وقد افتی ابن الصلاح بانہ لا یجوز ان یکتب علی الکفن یٓس والکھف ونحو ھما خوفاً من صدید المیت … وقدمنا قبیل باب المیاہ عن الفتح انہ تکرہ کتابۃ القران واسماء اﷲ تعالیٰ علی الدر اھم والمحاریب والجدران وما یفرش وما ذاک الا لاحترامہ وخشیۃ وطئہ ونحو ہ مما فیہ اھا نۃ فالمنع ھنا بالأ ولیٰ مالم یثبت عن المجتھد او ینقل فیہ حدیث ثابت۔
واللہ تعالٰی اعلم بالصواب
دارالافتاء الاخلاص،کراچی