سوال: رہنمائی فرمائیں کہ بچی کا آیت نام رکھنا کیسا ہے اور اس کے معنی کیا ہیں؟

جواب: آیت کا لغوی معنیٰ ہے: "علامت اور نشانی"، لہذا یہ نام رکھنا جائز ہے، البتہ چونکہ اصطلاحی اور عرفی معنیٰ کے لحاظ سے اس کا اطلاق قرآن شریف کی "آیت" پر ہوتا ہے، اس اعتبار سے یہ نام رکھنا بہتر نہیں ہے، لہذا بچی کے لیے اس نام کے بجائے ازواج مطہرات اور صحابیات رضی اللہ عنہن کے ناموں میں سے کوئی نام یا کوئی بھی اچھے معنیٰ والا نام رکھا جائے تو زیادہ بہتر ہے۔