سوال: مفتی صاحب ! جو زیور یا جائیداد وغیرہ عورت کی ملکیت ہو یا اس کو جہیز میں ملے ہوں، تو کیا اس کو فروخت کرنے کے لیے شوہر کی اجازت لینی ضروری ہے؟

جواب: واضح رہے کہ شرعا ہر صاحب ملکیت کو اپنی ملکیت میں تصرف کرنے کا اختیار حاصل ہوتا ہے، لہذا بیوی کو بھی اپنی ملکیت میں تصرف کرنے کا اختیار ہے، شوہر کی اجازت ضروری نہیں ہے۔
البتہ چونکہ میاں بیوی کا باہمی تعلق ورشتہ رفیق حیات کا ہوتا ہے اور ان کے تمام کام آپس میں باہمی رضامندی سے ہوتے ہیں، لہذا مناسب یہ کہ بیوی اپنے شوہر کی رضامندی اور مشورہ حاصل کر کے تصرف کرے، تاکہ آپس میں رنجشیں پیدا نہ ہوں، اور ایک ساتھ زندگی کا سفر گزارنے میں مشکلات پیدا نہ ہوں۔