سوال: کیا بیوہ عورت شادی شدہ مرد سے نکاح کر سکتی ہے؟ مرد اس نکاح کو خفیہ رکھے گا، کیونکہ لڑکی کے بھائی نکاح کے لیے راضی نہیں ہیں۔

جواب: صورتِ مسئولہ میں اگر دو گواہوں کی موجودگی میں آپ کا نکاح مذکورہ شخص سے ہو جائے، تو شرعاً یہ نکاح منعقد ہو جائے گا، اور اگر لڑکا لڑکی کا کفو ( یعنی دین داری، مال، نسب، اور پیشہ میں لڑکی کا ہم پلہ) بھی ہے، تو لڑکی کے ولی کو نکاح فسخ کرنے کا حق حاصل نہیں ہوگا، بصورتِ دیگر ولی کو نکاح فسخ کرنے کا اختیار ہوگا، البتہ ولی کی رضامندی کے بغیر اس طرح چھپ کر نکاح کرنا شرعاً، عرفاً اور اخلاقاً ناپسندیدہ عمل ہے۔