سوال:
جو کپڑے غیر مسلم ممالک سے ہمارے ملک میں آتے ہیں، انہیں دھو کر پہننا چاہیے یا بغیر دھوئے بھی پہن سکتے ہیں؟
جواب: غیر مسلم ممالک سے آنے والے کپڑوں پر جب تک کوئی ناپاکی نظر نہ آئے یا ناپاکی کا ظنِ غالب نہ ہو تو ان کو بغیر دھوئے بھی پہن سکتے ہیں، البتہ غیر مسلم ممالک سے آنے والے استعمال شدہ کپڑوں میں احتیاط یہ ہے کہ انہیں دھوئے بغیر نہ پہنا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار مع رد المحتار: (کتاب الطھارۃ، 350/1، ط: سعید)
ثياب الفسقة وأهل الذمة طاهرة.
(قوله: ثياب الفسقة إلخ) قال في الفتح: وقال بعض المشايخ: تكره الصلاة في ثياب الفسقة؛ لأنهم لا يتقون الخمور. قال المصنف " يعني صاحب الهداية ": الأصح أنه لا يكره؛ لأنه لم يكره من ثياب أهل الذمة إلا السراويل مع استحلالهم الخمر، فهذا أولى. اه.
واللہ تعالٰی اعلم بالصواب
دارالافتاء الاخلاص،کراچی