سوال: جن لوگوں کی موت بیت الخلاء میں ہوتی ہے، عام تاثر یہ ہے کہ یہ اچھی موت نہیں، اور شاید ان کے گناہوں کے سبب ایسا ہوا۔ کیا اس بارے میں اسلام میں کچھ کہا گیا ہے؟

جواب: انسان کے اچھا یا برا ہونے کا دارومدار اس کا ایمان اور اعمال صالحہ ہیں، نہ کہ وہ جگہ جہاں اسے موت آئے، لہذا ایمان اور اعمال صالحہ والے شخص کے بیت الخلا میں فوت ہوجانے کو بری موت تصور نہیں کیا جاسکتا، کیونکہ حادثہ کی بنا پر بھی اس طرح ہوسکتا ہے، جس طرح اگر کوئی بغیر ایمان والا شخص بیت اللہ میں انتقال کر جائے، تو بیت اللہ جیسی مقدس جگہ پر مرنا بھی اس کو کوئی فائدہ نہیں پہنچا سکے گا، لہذا پتہ چلا کہ اصل آدمی کی بخشش اس کے ایمان اور اعمال صالحہ پر ہے۔