سوال:
مفتی صاحب! یہ بتادیں کہ جلسہ کسے کہتے ہیں، نیز حضور صلی اللہ علیہ وسلم جلسہ کس طرح فرماتے تھے؟
جواب: نماز کے دونوں سجدوں کے درمیان ایک مرتبہ سبحان اللہ کہنے کی مقدار بیٹھنے کو "جلسہ" کہتے ہیں۔حضور اکرم ﷺ کا جلسہ کرنے کا سنت طریقہ یہ تھا کہ جب آپ ﷺ سجدہ فرماتے تھے، تو سجدہ سے سر مبارک اٹھانے کے بعد برابر سیدھے بیٹھ جاتے تھے، اس کے بعد دوسرا سجدہ فرماتے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکوٰۃ المصابیح: (ص: 75، ط: قدیمی)
عن عائشة رضي الله عنها قالت : كان رسول الله صلى الله عليه وسلم يستفتح الصلاة بالتكبير..وكان اذارفع رأسه من السجدة لم يسجد حتی یستوی جالسا
الدر المختار مع رد المحتار: (464/1، ط: سعید)
(وتعديل الاركان) ای تسكين الجوارح قدر تسبيحة في الركوع والسجود، وكذا في الرفع منهما
(قوله وكذا في الرفع منهما) أي يجب التعديل ايضا في القومة من الركوع والجلسة بين السجدتين
واللہ تعالٰی اعلم بالصواب
دارالافتاء الاخلاص،کراچی