سوال:
ہمارے علاقے میں یہ بات مشہور ہے کہ جب بچہ کا عقیقہ کیا جاتا ہے، تو عقیقہ کے جانور کا گوشت بچہ کے والدین، دادا، دادی اور نانا، نانی نہیں کھا سکتے ہیں، میرا سوال یہ ہے کہ یہ بات کس حد تک درست ہے؟
جواب: واضح رہے کہ عقیقہ کے جانور کا گوشت بچہ کے والدین، دادا، دادی، نانا، نانی اور دیگر سب گھر والے کھا سکتے ہیں، لہذا یہ بات جو مشہور ہے کہ عقیقہ کے جانور کا گوشت بچہ کے والدین، دادا، دادی اور نانا، نانی نہیں کھا سکتے ہیں، غلط ہے، شریعتِ مطہرہ میں اس کی کوئی بنیاد موجود نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
إعلاء السنن: (باب أفضلية ذبح الشاة في العقيقة، 118/17، ط: ادارۃ القرآن)
وأنه يستحب الأكل منها والإطعام و التصدق كما في الأضحية فما اشتهر على السنة العوام أن أصول المولود لايأكلون منها لا أصل له
و فیه ایضاً: (باب أفضلية ذبح الشاة في العقيقة، 126/17، ط: ادارۃ القرآن)
وفي قوله يأكل أهل العقيقة ويهدونها دليل على بطلان ما اشتهر على الألسنة أن أصول المولود لايأكلون منها فإن أهل العقيقه هم الأبوان أولا ثم سائر أهل البيت.
واللہ تعالٰی اعلم بالصواب
دارالافتاء الاخلاص،کراچی