سوال: حضرت صاحب ! بیت الخلاء جانے سے پہلے کونسی دعا پڑھنی چاہیے؟

جواب: (1) حدیث شریف میں آتا ہے کہ رسول اللہ صلی اللہ علیہ وسلم نے فرمایا: جب کوئی شخص بیت الخلاء میں داخل ہو، تو جن (شیطان) کی آنکھوں اور انسان کی شرمگاہ کے درمیان کا پردہ یہ ہے کہ "بسم اللّٰہ" کہے۔
(جامع الترمذي، باب ما ذكر من التسمية عند دخول الخلاء، حديث نمبر: 606)
اس کے بعد یہ دعا پڑھے:
(2) اَللّٰہُمَّ اِنِّیْ اَعُوْذُبِکَ مِنَ الْخُبُثِ وَالْخَبَائِثِ۔
ترجمہ: اے اللہ ! میں آپ کی پناہ پکڑتا ہوں، تمام شیاطین (مردوں اورعورتوں) کے شرسے۔
(صحیح بخاری، باب الدعاء عند الخلاء، حدیث نمبر: 6322)
یہ دعا بھی پڑھ سکتے ہیں:
(3) اَللّٰهُمَّ إِنِّي أَعُوذُ بِكَ مِنَ الرِّجْسِ النَّجِسِ، الْخَبِيثِ الْمُخْبِثِ، الشَّيْطَانِ الرَّجِيمِ
ترجمہ: اے اللہ ! میں آپ کی پناہ میں آتا ہوں گندے، ناپاک، برے، بدکار اور دھتکارے ہوئے شیطان مردود
سے۔
(سنن ابن ماجة، بَابُ مَا يَقُولُ الرَّجُلُ إِذَا دَخَلَ الْخَلَاءَ، حديث نمبر: 299)