سوال: سردی کے موسم میں ہاتھ پاؤں پھٹنے کی وجہ سے میں ان پر تیل لگا لیتا ہوں اور ساتھ ساتھ سر پر بھی مل لیتا ہوں، بسا اوقات مجھے غسل کی حاجت ہوجاتی ہے تو کیا میرے لئے غسل کرنے سے پہلے اعضاء پر لگے ہوئے تیل کو ہٹانا ضروری ہے یا اس کے بغیر بھی غسل ہوجائے گا؟

جواب: غسل کرنے سے پہلے اعضاء پر لگے ہوئے تیل کو ہٹانا ضروری نہیں ہے، کیونکہ سر، ہاتھ، پاؤں اور دیگر اعضاء پر تیل لگے ہونے کی وجہ سے اعضاء پر تہہ نہیں جمتی جس کی وجہ سے پانی اعضاء تک پہنچ جاتا ہے، اگرچہ پانی ٹھہرتا نہیں ہے، بہہ جاتا ہے، لیکن اس سے غسل پر کوئی اثر نہیں پڑے گا، لہذا اگر مکمل سر اور سارے بدن پر پانی ڈال لیا تو غسل صحیح ہوجائے گا۔