سوال: مفتی صاحب ! قبرستان یا قبروں پر گزرتے ہوئے کون سی دعا پڑھنی چاہیے؟

جواب: جب قبرستان پر سے گزر ہو، تو یہ دعا پڑھیں:
(1) السَّلَامُ عَلَيْکُمْ يَا أَهْلَ الْقُبُورِ يَغْفِرُ اللَّهُ لَنَا وَلَکُمْ أَنْتُمْ سَلَفُنَا وَنَحْنُ بِالْأَثَرِ۔
ترجمہ: اے قبر والو! تم پر سلامتی ہو، اللہ تعالیٰ ہماری اور تمہاری مغفرت فرمائے، تم ہم سے پہلے پہنچے ہو اور ہم بھی تمہارے پیچھے آنے والے ہیں۔
(جامع الترمذی، باب ما یقول الرجل اذا دخل المقابر، رقم الحدیث 1053)
یہ دعا بھی پڑھ سکتے ہیں:
(2) السَّلَامُ عَلَيْكُمْ دَارَ قَوْمٍ مُؤْمِنِينَ، وَإِنَّا إِنْ شَاءَ اللَّهُ بِكُمْ لَاحِقُونَ
ترجمہ: اے مؤمن گھر والوں ! تم پر سلامتی ہو اور ہم بھی ان شاء اللہ تم سے آملنے والے ہیں۔
(السنن لابي داؤد، بَابُ مَا يَقُولُ إِذَا زَارَ الْقُبُورَ أَوْ مَرَّ بِهَا، رقم الحدیث:3237، دار ابن حزم)