سوال: السلام علیکم،
مفتی صاحب ! ایک سوال تھا کہ میری بیٹی حفصہ فیروز عمر 9 سال ہے، جو کہ دارالعلم فاؤنڈیشن میں پڑھتی ہے، وہ حفظ کر رہی ہے، اس نے آخری کے دو سپارے حفظ کر لیے ہیں، لیکن اس کے بعد اس کا دل ہٹ گیا ہے۔
مفتی صاحب ! ہم لوگ بہت پریشان ہیں، اب وہ بالکل بھی حفظ کرنے کے لیے تیار نہیں ہے، ہم نے بہت جگہ دکھایا، دم بھی کروایا، پڑھائی بھی کر رہے ہیں، لیکن کوئی فاںدہ نہیں ہے اور اب وہ اسکول جانے کے لئے بھی تیار نہیں ہے، اور ناظرہ سے بھی منع کر رہی ہے۔
برائے مہربانی رھنمائی فرمائیں

جواب: سورۃ طٰہٰ کی آیت نمبر 25، 26، 27 رَبِّ اشْرَحْ لِي صَدْرِي [25] وَيَسِّرْ لِي أَمْرِي [26] وَاحْلُلْ عُقْدَةً مِنْ لِسَانِي[27] کو ہر نماز کے بعد اوّل آخر سات سات دفعہ درود شریف پڑھ کر دعا کیا کریں اور یہی عمل رات کو سونے سے پہلے کرکے پانی پر دم کرکے بچی کو پلا دیا کریں اور اس پر دم بھی کردیا کریں، ان شاء اللہ پڑھائی میں دل لگنے لگے گا۔
اس کے علاوہ روزانہ صلوۃ الحاجت، صدقہ اور استغفار کا بھی اہتمام کریں۔