سوال:
اگر ہمبستری کے دوران شوہر کے کپڑوں پر بیوی کا پسینہ لگ جائے تو کیا ان کپڑوں میں نماز پڑھنا درست ہے؟
جواب: واضح رہے کہ انسان کا پسینہ پاک ہے، لہذا اگر ہمبستری کرتے وقت بیوی کا پسینہ شوہر کے کپڑوں پر لگ جائے تو اس سے شوہر کے کپڑے ناپاک نہیں ہوں گے اور ان کپڑوں میں نماز پڑھنا درست ہے، بشرطیکہ ان کپڑوں پر نجاست حقیقی لگی ہوئی نہ ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیة: (23/1، ط: دار الفکر)
عرق كل شيء معتبر بسؤره. كذا في الهداية عرق الحمار والبغل ولعابهما إذا وقعا في الماء القليل أفسداه وإن قلا. كذا في المحيط وإن أصاب الثوب لا يمنع جواز الصلاة وإن فحش في ظاهر الرواية. هكذا في خزانة المفتين.
واللہ تعالٰی اعلم بالصواب
دارالافتاء الاخلاص،کراچی