سوال:
اگر کوئی شخص غسل کے دوران مسنون دعائیں پڑھنا چاہے تو اس بارے میں کیا حکم ہے، کیا وہ غسل کے دوران مسنون دعائیں پڑھ سکتا ہے؟
جواب: "مسنون دعا" اس دعا کو کہتے ہیں جو کسی خاص وقت یا موقع پر پڑھنے کے لیے سنت سے ثابت ہو، جبکہ غسل کے دوران پڑھنے کے لیے کوئی بھی دعا سنت سے ثابت نہیں ہے، بلکہ ستر کھلے ہونے کی حالت میں کوئی دعا پڑھنا مکروہ ہے، اس لیے حضراتِ فقہائے کرامؒ نے صراحت فرمائی ہے کہ غسل خاموشی سے کیا جائے اور اس میں کوئی دعا پڑھنے یا بات کرنے سے اجتناب کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
غنیة المستملی: (کتاب الطھارة، ص: 45، ط: نعمانیة)
ويستحب أن لا يتكلم بكلام فقط من كلام الناس او غيره اما كلام الناس فلما تقدم في الوضوء واما غيره من الذكر والدعاء فلانه في مصب الماء المستعمل ومحل الاوضار ای الأوساخ والاقذار.
مراقي الفلاح شرح نور الإيضاح: (ص47، المکتبة العصرية)
ويستحب أن لا يتكلم بكلام معه ولو دعاء لأنه في مصب الأقذار ويكره مع كشف العورة.
واللہ تعالٰی اعلم بالصواب
دارالافتاء الاخلاص،کراچی