سوال: مفتی صاحب ! اگر میاں بیوی الگ الگ مسلک سے تعلق رکھتے ہوں، تو کیا شوہر اپنی بیوی کو اپنے مسلک پر عمل کرنے کا پابند کر سکتا ہے؟

جواب: سوال میں اگر مسلک سے مراد وہ مسالک ہیں، جن میں اعتقادی اختلاف ہے، تو اس صورت میں نکاح کے بارے میں احتیاط کرنی چاہئے، اس لئے کہ بعض عقائد کا نکاح کی صحت پر اثر پڑتا ہے۔
اور اگر مسلک سے فقہی مسالک مراد ہیں، تو اگر کوئی شخص قرآن وحدیث اور دیگر دلائل شرع پر گہری نظر اور بصیرت تامہ رکھتا ہو، اور وہ دلائل شرع کی روشنی میں دوسرے امام کے مسلک کو راجح و قوی سمجھ کر اسے اختیار کرلے، اور اپنا مسلک تبدیل کرلے تو یہ جائز ہے، باقی کسی دنیوی یا خواہش نفسانی یا مخص سہولت پسندی کی غرض سے یا بلاوجہ شرعی کسی کے دباؤ میں آکر مسلک تبدیل کرنا درست نہیں۔
لہٰذا شوہر کا بلا وجہ شرعی اپنی بیوی کو مسلک تبدیل کرنے پر مجبور کرنا درست نہیں ہے۔