سوال:
ہمارا ایک رشتہ دار بجلی کا کام کرتا تھا، ابھی وہ بجلی سے شدید کرنٹ لگنے کی وجہ سے بلکل جل کر کالا ہوچکا ہے، سوال یہ ہے کہ کیا اس کو غسل دیا جائے گا یا ہم ایسے ہی نماز جنازہ پڑھ کر دفنا دیں؟
جواب: اگر کوئی شخص جل کر مر جائے، اور غسل کے دوران اس کے جسم کو مَلنے کی صورت میں یا مَلے بغیر صرف پانی بہانے کی صورت میں میت کا جسم بگڑ جانے کا خوف ہو، تو میت کے جسم کو دھویا نہیں جائے گا، بلکہ میت کو تیمم کرا دیا جائے گا، اور اگر میت پر پانی ڈالنے کی صورت میں میت کا جسم بگڑنے یا بکھرنے کا خوف نہ ہو، تو میت پر پانی بہا کر مَلے بغیر ہی غسل دیا جائے گا، تیمم نہیں کرایا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفقه علی مذاھب الاربعة: (458/1، ط: دار الکتب العلمیة)
ويقوم التيمم مقام غسل الميت عند فقد الماء أو تعذر الغسل، كأن مات حريقا، ويخشى أن يتقطع بدنه إذا غسل بذلك أو بصب الماء عليه بدون دلك، أما إن كان لا يتقطع بصب الماء فلا ييمم، بل يغسل بصب الماء بدون دلك.
واللہ تعالٰی اعلم بالصواب
دارالافتاء الاخلاص،کراچی