سوال: محترم مفتی صاحب ! ہمارے ایک عزیز وینٹی لیٹر پر ہیں، ڈاکٹروں کا یہ کہنا ہے کہ وینٹی لیٹر سے ہٹانے کے بعد ان کا بچنا بہت ہی ناممکن اور مشکل ہے، جبکہ اہل خانہ وینٹی لیٹر کا خرچہ برداشت کرنے سے عاجز ہیں اور کہیں سے کوئی مدد اور تعاون بهی ممکن نہیں ہے، اس صورتحال میں شریعت ہمیں کیا حکم دیتی ہے؟ وینٹی لیٹر مشین ہٹانا جائز ہے یا نہیں؟

جواب: واضح ہو کہ سانس چلانے کے لیے مصنوعی مشین (وینٹی لیٹر )کا استعمال شرعاً کوئی ضروری نہیں ہے، بالخصوص جبکہ وینٹی لیٹر مشین کے اخراجات برداشت کرنا مشکل ہو یا اس علاج سے نفع کی کوئی امید نہ ہو، لہذا صورتِ مسئولہ میں موجودہ صورتحال کے پیش نظر وینٹی لیٹر مشین کا ہٹا لینا جائز ہے، البتہ جان بچانے یا علاج کی کوئی مفید تدبیر اگر بآسانی ہوسکتی ہو تو حتى الوسع وہ اختیار کر لی جائے.