سوال: مفتی صاحب ! مجلس سے اٹھتے وقت کون سی دعا پڑھنی چاہیے؟

جواب: مجلس سے اٹھتے وقت یہ دعا پڑھیں:
سُبْحَانَكَ اللَّهُمَّ وَبِحَمْدِكَ، أشْهَدُ أنْ لا إلهَ إِلاَّ أنْتَ، أسْتَغْفِرُكَ وَأَتُوبُ إلَيْكَ
ترجمہ: اے اللہ! تو پاک ہے، حمد تیرے لئے مخصوص ہے، میں اس بات کی گواہی دیتا ہوں کہ تیرے علاوہ کوئی معبود نہیں، میں تجھ سے مغفرت طلب کرتا ہوں اور تیری بارگاہ میں توبہ کرتا ہوں۔
فضیلت: حدیث شریف کا مفہوم ہے، جو شخص کسی ایسی مجلس میں بیٹھا ہو، جہاں لغو باتیں ہوئی ہوں، اور وہ شخص اس مجلس سے اٹھنے سے پہلے یہ دعا پڑھ لے، تو اس مجلس میں جو بھی غلطی ہوئی ہوگی، اس کو معاف کردیا جائے گا۔
(الجامع الترمذی، باب ما یقول اذا قام من المجلس، رقم الحدیث 3433)